| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • КОНФРОНСИ ТАРАФҲО 27
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон




    Раёсати корҳо яке аз сохторҳои асосӣ ва калидии Дастгоҳи марказии Кумита мебошад, ки он самтҳои бақайдгирӣ, назорат ва содироти ҳуҷҷатҳо, кор бо кадрҳо, хизматрасонии ҳуқуқӣ, сохтмони иншоотҳои соҳа ва хоҷагидориро дарбар мегирад.

    Раёсати корҳо таҳти сарпарастии Раиси Кумита ва дар асоси Низомномаи Раёсат ва дастурамалҳои мансабии кормандон фаъолияти худро роҳандозӣ менамояд.

    Фаъолияти Раёсати корҳо бо кори ҳаррўзаи муовинони Раиси Кумита, воҳидҳои сохтории Дастгоҳи марказии Кумита, раёсатҳо, шуъбаю бахшҳои ҳифзи муҳити зисти вилоятҳо, шаҳру ноҳияҳои ҷумҳурӣ, марказу муассисаҳои назди Кумита зич алоқаманд аст.

    Аз ҷониби Раёсати корҳо ҳар моҳ таҳлили рафти иҷрои Амру Фармонҳо ва супоришҳои Президенти Ҷумҳурии Тоҷикистон, қарору супоришҳои Ҳукумати Ҷумҳурии Тоҷикистон, Дастгоҳи иҷроияи Президенти Ҷумҳурии Тоҷикистон, мактубу дархостҳои вазорату идораҳо, Нақшаи кори Кумита барои нимсола, қарорҳои мушовараи Кумита, протоколҳо ва дигар супоришҳои Раиси Кумита гузапронида шуда, маълумотҳои хаттӣ ба Раиси Кумита пешниҳод мегарданд.

    Раёсати корҳо дар ҳамбастагӣ бо дигар воҳидҳои сохтории Кумита баргузории ҷаласаҳои мушовара, маҷлисҳои назоратӣ, пешниҳоди ҳисоботу маълумотҳо ба Ҳукумати ҷумҳурӣ, мукотибот бо ташкилотҳои байналмилалӣ, кишварҳои хориҷӣ, вохӯрию мулоқотҳо бо меҳмонони хориҷӣ, кормандони мақомоти қудратии ҷумҳурӣ дар Кумита, семинарҳои бозомўзии кормандон, аттестатсияи кадрҳо, баррасии муроҷиатҳои шахсони воқеӣ ва ҳуқуқӣ, тендерҳо барои интихоби пудратчиёни сохтмони иншоотҳои соҳавӣ, таъмини шароитҳои техникию маишӣ барои фаъолияти кормандонро ба роҳ монда, сатҳи зарурии чорабиниҳои баргузоршавандаро таъмин менамояд. Роҳбарияти Раёсати корҳо хуб эҳсос мекунад, ки натиҷаи хуби фаъолияти Дастгоҳи марказии Кумита аз масъулиятнокию коршиносии кормандони Раёсат вобастагӣ дорад. Бинобар ин, Раёсати корҳо кӯшиш ба харҷ медиҳад, ки донишу малака, таҷрибаи корӣ ва самаранокии ҳар як корманду чорабинии Кумита пурра таъмин гардад.