| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • КОНФРОНСИ ТАРАФҲО 27
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон




    Вазифаҳо ва функсияҳои асосии

    Раёсати мониторинг ва сиёсати экологӣ

    Раёсат дар асоси сохтори дастгоҳи Марказии Кумита, ки бо қарори Ҳукумати Ҷумҳурии Тоҷикистон, аз 24 апрели соли 2008 №189 тасдиқ гардидааст «Раёсати мониторинг ва сиёсати экологӣ»-и Кумита номгузорӣ шуда, бандҳои дахлдорро оид ба таъминоти иттилоотию таҳлилӣ, ташкилию ҳуқуқӣ ва фаъолияти роҳбари мақоми давлатӣ, назорати иҷрои санадҳои меъёрии ҳуқуқӣ, таъмини назорати иҷрои Стратегия ва барномаҳои давлатӣ, таҳия ва мувофиқасозии лоиҳаҳои санадҳои меъёрии ҳуқуқии дахлдор, баррасӣ намудани мактубу дархостҳои шахсони ҳуқуқӣ ва арзу шикоятҳои хаттию шифоҳии шаҳрвандон ва коргузориро дар бар гирифта, аз вазифаҳои зерин иборат аст:

    -пешбурди сиёсати ягонаи давлатӣ дар соҳаи ҳифзи муҳити зист;

    -пешбурди сиёсати давлатӣ дар самти ташкил ва гузаронидани  мониторинги экологӣ;

    -назорат ва таҳлили фаъолияти сохторҳои Кумита оид ба таъмини иҷрои сиёсати ягонаи давлатии экологӣ, назорати давлатӣ, риояи талаботҳои қонунгузории ҷумҳурӣ ва ҳуҷҷатҳои меъёрӣ дар соҳаи ҳифзи муҳити зист;

    -ҳиссагузорӣ ва назорати ташкили системаи ягонаи мониторинги давлатии экологӣ;

    -назорати татбиқи сиёсати ягонаи давлатӣ дар самти пешбурди мониторинги муҳити зист;

    -иштирок ва ҳиссаагузорӣ дар ташкили омори экологӣ;

    -пешбурди сиёсат ва назорати дурустии тартиб додани Феҳрести давлатии объектҳои мониторинги экологӣ;

    -истифода ва ҳифзи муҳити зистро дар корхонаҳо, ташкилотҳо муассисаҳо ва хоҷагиҳо, новобаста аз шакли моликият, тобеият ва шаҳрвандӣ месанҷад, барои дурустии ҳисоб кардан ва супоридани пардохтҳои ҳатми экологӣ дар субъектҳои хоҷагидорӣ санҷиш мегузаронад;          

    - дар доираи салоҳияти худ дар назорати таъмини иҷрои чорабиниҳо ҷиҳати ҳифз, солимгардонӣ, беҳсозии сифати муҳити табиӣ иштирок мекунад; дар соҳаи ҳифзи муҳити зист, истифодаи самаранок ва ҳифзи замин, сарватҳои қаъри замин ва рӯи замин, захираҳои обӣ, ҳавои атмосфера, олами набототу ҳайвонот ва захираҳои моҳӣ, муомилот бо портовҳои истеҳсолӣ ва истеъмолӣ ва партовҳои такроран истифодашаванда, сиёсати мониторинги экологиро ҷорӣ намуда, назорат мебарад; дар доираи салоҳияти худ дар иҷрои ӯҳдадориҳои Ҷумҳурии Тоҷикистон тибқи Конвенсияҳо, Шартномаҳо ва Созишномаҳои байналмилалӣ қабул шудааст, иштирок менамояд;

    -иштирок дар таҳияи лоиҳаи Стратегия, Барнома ва Нақшаи миллӣ оид ба истифодаи оқилона ва ҳифзи муҳити зист;

    - аз болои риояи меъёрҳо, стандартҳо ва ҳуҷҷатҳои меъёрӣ назорат мебарад, дар сурати ин аз тарафи истифодабарандагони табиат, иҷозат ва иҷозатномадиҳандагон вайрон кардани талаботҳои меъёрӣ, барои қатъ намудани ин фаъолият дар назди Кумита масъалагузорӣ  менамояд;

    - ташкил ва пешбурди мониторинги таъмини иҷрои стратегия, барномаҳои давлатӣ ва соҳавӣ оид ба ҳифзи муҳити зисти Ҷумҳурии Тоҷикистон ва мониторингӣ назорати давлатӣ.

    - тибқи муқаррароти қонунгузорӣ ва қарорҳои Ҳукумати Ҷумҳурии Тоҷикистон аз вазорату идораҳо, мақомоти маҳаллии иҷроияи ҳокимияти давлатӣ, муассисаҳо ва сохторҳои воҳидии Кумита ҷиҳати таъмини иҷрои барномаҳо талаб намудани маълумот, таҳлил ва пешбурди мониторинг ва тайёр кардани ҳисоботҳои зарурӣ;